Məktəbəqədər və Ümumi Təhsil üzrə Dövlət Agentliyinə direktor müavinləri təyin ediliblər. Müvafiq əmrləri Azərbaycanın elm və təhsil naziri Emin Əmrullayev imzalayıb. Bu haqda bu gün, 7 oktyabr tarixində Bakuplus.az Report-a istinadən məlumat verir.
Nazirliyin aparat rəhbərinin müavini Nərminə Hüseynova, Ümumi və məktəbəqədər təhsilin təşkili və idarə olunması şöbəsinin müdir müavini Orxan Abbasov Məktəbəqədər və Ümumi Təhsil üzrə Dövlət Agentliyinə direktor müavinləri təyin olunublar.
Daha öncə məlum olub ki, Bakı Şəhəri üzrə Təhsil İdarəsinin müdiri Mehriban Vəliyeva da analoji vəzifəyə təyin edilib. Bildirilir ki, Vəliyevaya, həmçinin Bakı Şəhəri üzrə Təhsil İdarəsinin müdiri vəzifəsi həvalə olunub.
