Sabunçu rayon sakinləri yolların bərbad olmasından şikayətçidirlər. Bu haqda 16 noyabr tarixində Avtosfer.az məlumat verib.
Maştağa qəsəbəsi, Savalan yaşayış massivində yaşayan sakinlər bildirirlər ki, ərazidə nə avtobus xətti çəkilib, nə də yollar bərpa edilib.
“Yağış yağan kimi bütün küçə su altında qalır. İnsanlar yolu keçmək üçün ayaqlarına sellofan torba keçirirlər”, - deyə sakinlərdən biri qeyd edib.
AAYDA-nın ictimaiyyətlə əlaqələr şöbəsinin rəisi Anar Nəcəfli faktla bağlı bildirib ki, həmin ərazidə yolun indiyə qədər niyə təmir olunmamasına agentlik məsuliyyət daşımır, çünki həmin ərazi agentliyin balansında deyil:
“Bakı şəhərinin 60 qəsəbəsi üzrə investisiya proqramları çərçivəsində 2 min kilometrdən çox küçə və yolun təmiri nəzərdə tutulur. Bu istiqamətdə investisiya proqramlarına uyğun olaraq agentlik mərhələli şəkildə işlər aparır”.
Savalan yaşayış massivindəki problemlə bağlı Maştağa bələdiyyəsi bildirir ki, həmin əraziyə baxış keçirilməsi üçün sakinlər ərizə verməlidirlər.
[caption id="attachment_79271" align="alignnone" width="640"]
Foto avtosfer.az saytı[/caption]
