Sabunçu rayonu, Maştağa qəsəbəsində yeniyetmə qıza toy etmək istəyiblər. Bu haqda bu gün, 26 fevral tarixində Bakuplus.az Azərbaycan Uşaqlar Birliyinin sədri Kəmalə Ağazadəyə istinadən xəbər verir.
Adıçəkilən qəsəbədə 16 yaşlı qıza toy etməyə cəhd olunub.
“Toy 28 fevralda Bakı kəndlərinin birində baş tutacaqdı. Amma mərasim qızın 18 yaşı tamam olana qədər təxirə salındı. Ata yalan məlumat verərək diqqəti yayındırmaq istəsə də, bu cəhdi alınmadı”, – deyə sədr paylaşımlarında qeyd edib.
O, həmçinin iaşə obyektlərinin toy, nişan mərasimləri edən zaman vəsiqələrin yoxlanılmasının vacibliyini vurğulayıb.
