Suraxanı rayonunda ağacəkmə aksiyası keçirilib. Bu haqda bu gün, 28 mart tarixində Bakuplus.az Qafqazinfo-ya istinadən xəbər verir.
“Yaşıl dünya naminə həmrəylik ili" çərçivəsində rayonun Əmircan qəsəbəsində ağacəkmə aksiyası keçirilib. Tədbir çərçivəsində 0,22 hektar əraziyə 2100 ədəd Eldar şamı və müxtəlif növ digər ağaclar əkilib.
Aksiyada Suraxanı Rayon İcra Hakimiyyətinin başçısı, YAP Suraxanı Rayon Təşkilatının sədri, RİHB-nin müavinləri, Əməliyyat Şirkətinin Azərbaycan Respublikasındakı nümayəndəliyinin vitse-prezidentləri, əməkdaşlar, qəsəbə nümayəndələri və bələdiyyə sədrləri iştirak ediblər.
Mövsümün sonunadək Suraxanı rayonunda ağacəkmə aksiyalarının davamlı keçirilməsi nəzərdə tutulub.
