Bakının Nəsimi rayonunun Mirzəağa Əliyev küçəsi boyunca binalarda təmir işləri aparılır. Bu haqda bu gün, 23 iyul tarixində Bakuplus.az rayon İcra Hakimiyyətinə istinadən xəbər verir.
Aparılan işlər çərçivəsində yaşayış və qeyri-yaşayış binalarının fasadlarında rənglənmə işləri aparılır. Həmçinin küçə boyu yeraltı kommunikasiya xətləri yeniləri ilə əvəz olunub, eləcə də hasarların bərpası və yeni asfalt örtüyünün vurulması işləri də nəzərdə tutulub.
Sözügedən işlər BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası – COP29 tədbirinin Azərbaycanda keçirilməsi ilə əlaqədardır.
