Bakı şəhəri Nəsimi rayonunda ümumi abadlaşdırılma layihəsi çərçivəsində 20 Yanvar küçəsi 7a, 9 və H.Seyidzadə küçəsi 11 saylı binaların əhatə etdiyi məhəllə təmir olunub. Bu haqda məlumatı Nəsimi rayonu İcra Hakimiyyətinin mətbuat xidməti bu gün, 9 dekabr tarixində qurumun rəsmi saytında yayıb.
Bundan öncə, həmin binaların giriş qapıları və pilləkən qəfəslərinin pəncərələri dəyişdirilib, yeni navalça və borular quraşdırılıb, binanın dam örtüyü əsaslı təmir olunub.
Layihəyə uyğun olaraq, 2000 kv.m. asfalt örtüyü, 1000 kv.m-ə yaxın qazon, 200 kv.m-dən artıq tamet daşı vurulub, 300 p.m. yeni bordürlər və kiçik tullantıların atılması üçün zibil qutuları qoyulub. Həmçinin, söhbətgah və oturacaqlar qoyulub, uşaq və idman meydançaları yaradılıb.
Bununla yanaşı, 50 ədəd müxtəlif növ həmişəyaşıl ağac əkilib və yaşıllıqların suvarılması üçün su xətti çəkilib, işıqlandırma sistemi quraşdırılıb.
Hazırda Nəsimi rayonunda bir neçə ünvanda abadlıq-quruculuq və yenidənqurma işləri aparılır.
[URIS id=19268]
