Nəsimidə təmizlik-abadlıq işləri keçirilib.
Bakuplus.az Nəsimi rayon İcra Hakimiyyətinə istinadən xəbər verir ki, rayon ərazisində növbəti iməcilik keçirilib. Keçirilən iməcilikdə rayonun kommunal xidmətləri tərəfindən təmizlik işləri aparılmış, prospekt və küçələrdə, bardürlər, işıq dirəkləri, məhəccərlər, məişət tullantıları konteynerlərinin ətrafı yuyulub.
Həmçinin ənənəvi olaraq ticarət obyektlərinin vitrinləri də yuyulmuş, ümumi sanitar-təmizlik işləri aparılıb.
Sözügedən işlər BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası – COP29 tədbirinin Azərbaycanda keçirilməsi ilə əlaqədardır.
