Paytaxtın Nəsimi rayonu, Sarabski, 109F ünvanı, “Dostluq” kinoteatrının arxası narkomanların məskəninə çevrilib. Bu haqda bu gün, 31 oktyabr tarixində Bakuplus.az ATV-yə istinadən xəbər verir.
Köhnə tələbə yataqxanası binasının baxımsız olması səbəbindən burada narkomanlar məskunlaşıblar. Ərazidə çoxlu sayda şpris və yatmaq üçün yerlər var. Həmçinin binada qadın əşyalarına da rast gəlmək mümkündür.
Yaxınlıqda yaşayan sakinlərin sözlərinə görə, həmin binada narkomanlar yaşayırlar. Onların arasında həm gənc, həm də yaşlı nəslin nümayəndələri var.
Daxili İşlər Nazirliyindən məsələ ilə bağlı bildirdilər ki, sözügedən əraziyə polis naryadları göndərilib və ərazi nəzarətə götürülüb.
Köhnə tikili Azərbaycan Dövlət Neft və Sənaye Universitetinin nəzdindədir və sökülməyi planlaşdırılır.
[caption id="attachment_77156" align="alignnone" width="640"]
Foto ATV-nin rəsmi Youtube kanalı[/caption]
