Paytaxtın Nəsimi rayonunun Xan Şuşinski küçəsi ilə Hənifə Ələsgərov küçəsinin kəsişməsində su xətti borusu partlayıb. Bu haqda bu gün, 20 iyun tarixində Bakuplus.az Oxu.az-a istinadən məlumat verir.
Kommunal qəza nəticəsində dünən gecədən başlayaraq su yola axır.
“Azərsu”dan bildirilib ki, qəza həmin ərazidə 200 mm diametrli xətdə baş verib.
"Uzun müddət istismarda olan köhnə xətdir. Çox güman ki, bu səbəbdən olub. Amma dəqiq səbəbi qazıntı zamanı məlum olacaq. Qəzanın fəsadları yaxın saatlarda aradan qaldırılacaq", - qurumdan bildirilib.
