Bakıda əcnəbi dilənçilərin çoxaldığı bildirilir. Bu haqda bu gün, 16 dekabr tarixində Bakuplus.az APA-ya istinadən xəbər verir.
Qeyd olunur ki, əsasən, pakistanlı və hindistanlı şəxslər paytaxtda dilənçiliklə məşğul olurlar.
Dövlət Miqrasiya Xidməti məsələ ilə bağlı bildirib ki, Pakistan, Hindistan və digər Cənubi Asiya ölkələrindən gələn şəxslər, əsasən, turist vizası ilə ölkəyə daxil olurlar. Onlar hər hansı bir iş fəaliyyəti ilə məşğul ola bilməzlər. Bununla bağlı mütəmadi olaraq yoxlamalar aparılır.
Həmçinin qurum əlavə edib ki, cari ilin sentyabr, oktyabr və noyabr aylarında ölkə ərazisində miqrasiya qaydalarının pozulmasına görə 5891 inzibati qərar qəbul edilib.
