"Partiya sədri səlahiyyətlərinin icrasının sədr müavini Qiyas Sadıqova həvalə olunması içində olduğum digər bir siyasi prosesdə iştirakımla bağlıdır".
Bunu apa.az-a açıqlamasında Azərbaycan Xalq Partiyasının (AXP) qurucusu Pənah Hüseyn deyib.
O bildirib ki, hələ ki, formal olaraq AXP-nin sədri vəzifəsində qalır:
"Mən hələ ki, partiyamızın sədri olaraq qalıram. Bu addım istefa anlamına gəlmir və sadəcə olaraq içərisində olduğum prosesdə fəal iştirak etmək məqsədilə atılıb. Yeni sədrin seçilməsinə gəlincə, nizamnaməyə uyğun olaraq, bu, partiyanın qurultayında həll olunması nəzərdə tutulan məsələdir".
Qeyd edək ki, Pənah Hüseyn Azərbaycan Xalq Partiyasının sədrliyindən istefa verməsi ilə bağlı şəxsi sosial şəbəkə hesabında yazmışdı.
