Paytaxtın Nəsimi rayonunda yerləşən, Cəlil Məmmədquluzadə, Yusif Vəzir Çəmənzəminli və Novruzov qardaşları küçələrini əhatə edən, “Papanin” kimi tanınan ərazidə həyət evlərinin söküntüsünə başlanılıb. Bu haqda bu gün, 21 noyabr tarixində Bakuplus.az ATV-yə isinadən məlumat verir.
Tikinti layihəsinə uyğun olaraq həyət evləri söküldükdən sonra həmin ərazidə çoxmərtəbəli binalar inşa olunacaq.
Tikinti şirkətinin nümayəndəsi Əlisahib Əzizov deyir ki, 190 ailə tikinti şirkəti ilə artıq razılığa gələrək köçürülüb. Digər ailələrlə isə danışıqlar aparılır. Müqavilə bağlanan ailələrin mənzilləri mərhələli şəkildə sökülür. Ərazidə isə şəhərin memarlıq üslubunu nəzərə almaqla çoxmərtəbəli bina inşa olunacaq.
“288 ailənin buradan köçürülməsi nəzərdə tutulub. Hər ay müəyyən sahəyə uyğun olaraq onlara mənzil kirayəsinə görə pullar ödənilir. Ərazidə 11 girişli 16 mərtəbəli evlərin tikilməsi nəzərdə tutulub”, - deyə Əlisahib Əzizov əlavə edib.
Sökülən ərazilərdə çoxmərtəbəli binanın inşası iki il ərzində yekunlaşacaq. İlk olaraq kirayəyə çıxan sakinlər mənzillərlə təmin ediləcəklər.
[caption id="attachment_79944" align="alignnone" width="640"]
Foto Baku Tv-nin rəsmi Youtube kanalı[/caption]
