Bakıda “Bizimkilər” festivalına start verilib. Bu haqda bu gün, 16 dekabr tarixində Bakuplus.az xəbər verir.
Artıq ənənəvi hal alan və Yeni il ərəfəsində təşkil olunan festival “Passage 1901”-də keçirilir. Burada müxtəlif əl işləri, kitablar, rəsmlər əldə etmək, master-klaslarda iştirak etmək, eləcə də içki və şirniyyatların dadına baxmaq mümkündür. Bu il aktyor və yazıçı Bəhram Bağırzadənin də burada öz guşəsi var.
Festival musiqi sədaları ilə müşaiyət olunur, mütəmadi olaraq müxtəlif musiqiçilərin çıxışları təşkil olunur və qonaqları yeni il ab-havasına salır. Həmçinin burada şəkil çəkmək üçün də müxtəlif guşələr yaradılıb.
Təşkilatçılar festivala qonaq gələnlər arasında lotereya da keçirirlər. Qalib olanlara festivaldakı məhsullardan hər-hansı biri hədiyyə olunur.
Tədbir 18 dekabr tarixinə qədər hər gün 11:00-19:00 arası davam edəcək. Ünvan Nigar Rəfibəyli küçəsi, 12/14, “Passage 1901”.
[URIS id=83416]
