Bu gün, 27 sentyabr 2021-ci il tarixi 44 günlük Vətən müharibəsində həlak olanların anım günüdür. Məhz bu gün, 1 il əvvəl işğalda olan torpaqların azad olunması istiqamətində əks-hücum əməliyyatlarına start verilib. Paytaxt ərazisində Anım günü boyunca silsilə tədbirlər keçirilib.
İnsanlar Fəxri və Şəhidlər Xiyabanını ziyarət ediblər. Saat 12:00-da həlak olanlar 1 dəqiqəlik sükutla yad edilib, yaylım atəşi açılıb.
Tədbirlər çərçivəsində 44 günlük Vətən müharibəsində həlak olanların xatirəsinə həsr olunmuş Prezident İlham Əliyevin də başçılıq etdiyi yürüş baş tutub. Eyni zamanda Müdafiə Naziri və Nazirliyin rəhbər şəxsləri II Fəxri Xiyabanı ziyarət ediblər.
Ən sonda İlham Əliyev Vətən Müharibəsi Memorial Kompleksinin və Zəfər Muzeyinin təməlqoyulma mərasimində iştirak edib.
Paytaxt ərazisində əksər evlərin eyvanından Azərbaycan bayraqları asılmışdır. İnsanlar küçələrdə əllərində bayraqlarla gəziblər. Silsilə tədbirlər gün ərzində şəhərin müxtəlif ərazilərində davam edib.
Videonu buradan izləyə bilərsiniz.
