Dekabrın 8-də Kamera və Orqan Musiqisi Zalında istedadlı pianoçu, Nigar Əsədullayeva müasir bəstəkar Lyudoviko Eynaudinin əsərlərindən ibarət olan proqramını təqdim edəcək. Bu haqda bu gün, 23 noyabr tarixində Bakuplus.az İticket.az-a istinadən xəbər verir.
Tədbir saat 20:00-21:30 aralığında olacaq. Biletləri onlayn və şəhərin kassalarından əldə etmək mümkündür. Qiymət 10-60 manat arasında dəyişir.
Lyudoviko Eynaudi dünyaca məşhur İtaliyalı bəstəkardır. Cari ilin oktyabr ayında Eynaudi ilk dəfə Bakıya səfər edib. Bəstəkar “1+1”, “Ata” və “Su axtaran” kimi filmlər üçün musiqi yazıb.
Əlavə olaraq iyun ayında Bakıda Qazaxıstanın “Tynda.Music” orkestri tərəfindən Lyudoviko Eynaudinin seçilmiş əsərləri səsləndirilib.
Nigar Əsədullayeva Bakı Musiqi Akademiyasında təhsil alıb, hal-hazırda Rəşid Behbudov adına 2 saylı musiqi məktəbində çalışır.
