Bakıda velosiped və skuterlər üçün yol salınacaq. Bu haqda bu gün, 18 dekabr tarixində Bakuplus.az Unikal.az-a istinadən xəbər verir.
Rəqəmsal inkişaf və nəqliyyat nazirinin müavini Rəhman Hümmətov “Azərbaycanda Mobilliyin Transformasiyası Proqramı”nın təqdimatında bildirib ki, layihə çərçivəsində paytaxtda 7 kilometrlik velosiped yolunun tikintisi nəzərdə tutulub.
Nazir müavinin sözlərinə əsasən, piyadaların hərəkəti üçün infrastrukturun yaradılması istiqamətində də işlər davam etdirilir.
“Taksi xidməti də həmçinin diqqət mərkəzindədir. Ötən dövr ərzində bir sıra qanunlara dəyişiklik edilib. Bundan sonra alt qaydalara dəyişikliklər gözlənilir. Ardınca yeni qanunvericiliyin tətbiqinə başlanılacaq”, – deyə nazir müavini əlavə edib.
