Bakı Dövlət Universitetində (BDU) Karyera Festivalı baş tutacaq. Bu haqda bu gün, 25 aprel tarixində Bakuplus.az universitetin mətbuat xidmətinə istinadən xəbər verir.
Tədbirin ilk günü 100-dən artıq nüfuzlu şirkətin iştirakı ilə Karyera Sərgisi təşkil olunacaq. Festivalın 2-ci günündə isə müxtəlif mövzularda “workshop” və panel müzakirələr keçiriləcək.
Sərgiyə iştirakçılar CV nümunəsi ilə birlikdə gəlməlidirlər. CV-si olmayan şəxslər isə BDU-nun Karyera və məzunlarla əlaqə sektoruna müraciət edə bilərlər.
Festival Dövlət Məşğulluq Agentliyinin təşkilati dəstəyi ilə aprelin 30-dan mayın 1-ə qədər davam edəcək. Festivalda iştirak üçün qeydiyyatdan keçmək mütləqdir. Qeydiyyat üçün son tarix: 29.04.2024
