Bakının Qaradağ rayonu, Qızıldaş qəsəbəsində sakinlər bərbad vəziyyətdə yaşayırlar. Bu haqda bu gün, 22 noyabr tarixində Bakuplus.az ARB Media-ya istinadən xəbər verir.
Sözügedən ərazidə yerləşən binada uşaq evlərində böyüyən vətəndaşlar yaşayırlar. Burada otaqlar acınacaqlı vəziyyətdədir, insanlar əvvəllər hamam olmuş otaqlarda yaşayır, istilik sistemi və sanitar qovşaqdan məhrumdurlar.
Sakinlərin sözlərinə görə, onlara sosial evlər verilməlidir, ancaq ala bilmirlər:
“İnternat məzunlarını dövlət özü bura gətirib. Çoxuna ev verilib. Bircə biz qalmışıq. Biz də istəyirik ki, hamı kimi yaxşı yaşayaq”, – deyə sakinlər bildirirlər.
