Paytaxtın Sabunçu rayonu, Ramana qəsəbəsi, Şuşa şəhərciyi adlanan ərazidə şagirdlər təhlükə altındadırlar. Bu haqda bu gün, 8 oktyabr tarixində Bakuplus.az Real TV-yə istinadən xəbər verir.
Xankəndi şəhər 4 saylı tam orta və Şuşa rayon Malıbəyli kənd 1 saylı tam orta məktəbləri yolun kənarında yerləşir və burada məktəb olduğu haqda xəbərdarlıq edən heç bir nişanlanma yoxdur, piyada keçidi və sürət həddini müəyyən edən işarələr də mövcud deyil.
“Çox işlək yoldur. Təkcə elə bir gündə həmin yoldan 300-400 dəfə marşrut keçir. Nə sürət həddi var, nə işıqfor, nə də radar, heç bir şey yoxdur”, - deyə sakinlərdən biri bildirib.
Məsələ ilə bağlı Bakı Nəqliyyat Agentliyindən bildiriblər ki, əraziyə baxış keçiriləcək və zərurət yaranarsa, piyadalar üçün müvafiq infrastruktur yaradılacaq.
