Respublika Neyrocərrahiyyə Xəstəxanasında ilk dəfə görmənin bərpası ilə bağlı olan neyrocərrahi əməliyyat keçirilib. Bu haqda bu gün, 27 yanvar tarixində Bakuplus.az TƏBİB-yə istinadən məlumat verir.
53 yaşlı xəstə Respublika Neyrocərrahiyyə Xəstəxanasına solda görmənin itməsi səbəbilə müraciət edib.
Neyrocərrah Elşən Hüseynzadə ətraflı müayinədən sonra xəstəyə sol yuxu arteriyasının nəhəng paraklinoid anevrizması diaqnozu qoyub. Anevrizmanın kəsilməsi prosesində neyrocərrahlar Elşən Hüseynzadə, Ələsgər Xasrətov, Rasim Quliyev, gənc neyrocərrahlar Vüsal Məmmədov və Firuzə Yusifli iştirak ediblər.
Bu cərrahi əməliyyat Respublika Neyrocərrahiyyə Xəstəxanasında ilk dəfə həyata keçirilib.
Uğurlu əməliyyatdan sonra xəstənin görmə qabiliyyəti əhəmiyyətli dərəcədə yaxşılaşıb və müvafiq tibbi yardım göstərildikdən sonra ambulator müalicə üçün evə buraxılıb.
[URIS id=127751]
