Bakının mərkəzində, İçərişəhərin Qoşa Qala qapısı yaxınlığında qanunsuz parkinq hələ də mövcuddur. Bu haqda bu gün, 9 oktyabr tarixində Bakuplus.az “İnsan yönümlü şəhərlər” Facebook səhifəsinə istinadən məlumat verir.
Caliber.az-dan əldə olunan məlumata əsasən, Azərbaycan Yerüstü Nəqliyyatı Agentliyinin (AYNA) mətbuat xidmətindən bildirildi ki, küçədə dayanacaq yaradılmadığından agentliyin bununla heç bir əlaqəsi yoxdur. İçərişəhər rəhbərliyi də parkinqlə bağlı heç bir addım atmayıb.
Bakı şəhər Dövlət Yol Polisi İdarəsinin baş inspektoru, polis mayoru Araz Əsgərli müraciətlə bağlı tədbir görüləcəyini bildirib.
Analoji vəziyyət sözügedən piyada səkisində iyul ayından müşahidə olunur.
