Bakının Səbail rayonunda təmizlik-abadlıq işləri keçirilib. Bu haqda bu gün, 2 mart tarixində Bakuplus.az rayon İcra Hakimiyyətinə (RİH) istinadən xəbər verir.
Təmizlik işləri Bakı Şəhər İcra Hakimiyyəti və Səbail Rayon İcra Hakimiyyətinin təşkilatçılığı ilə keçirilib.
İməcilik zamanı rayon ərazisində yerləşən prospekt və küçələrdə, park və xiyabanlarda ümumi təmizlik işləri aparılıb, həmçinin yeraltı piyada keçidləri, bordürlər, işıq dirəkləri, mağaza vitrinləri, binaların fasadları, məişət tullantıları üçün nəzərdə tutulan konteynerlər, reklam lövhələri, ağaclar və yaşıllıq zolaqları yuyulub, ağaclar budanaraq onlara xüsusi qulluq göstərilib.
