Bakının Nərimanov rayonu, Təbriz küçəsində yaşayan sakinlər sökülən evlərinin yerində tikilən binadan mənzil ala bilmirlər. Bu haqda bu gün, 31 oktyabr tarixində Bakuplus.az Baku TV-yə istinadən məlumat verir.
Belə ki, 2017-ci ildə “Sipark” MTK sözügedən ərazidə hündürmərtəbəli bina tikmək məqsədilə burada yaşayan sakinlərin evlərini söküb. Lakin qısa müddət sonra tikinti şirkəti verdiyi vədə əməl etməyib. Artıq 6 il keçməsinə baxmayaraq, indi nə hazır bina var, nə də kirayə pulunu ödəyən şirkət.
Nərimanov Rayon İcra Hakimiyyətinin Təsərrüfat şöbəsinin baş məsləhətçisi İsmayıl Cəfərov bildirdi ki, yaşayış kompleksinin sakinlərinin iştirakı ilə qəbul keçirilib. Onların qaldırdığı 3 haqlı tələb dinlənildi. Bu 3 tələb aşağıdakılardan ibarətdir:
MTK-nın nümayəndəsi İradə Nurəddinqızı şirkət tərəfindən ödənişlərdə və tikintidə gecikmənin olmasını təsdiqləyib: “Şirkət tez bir zamanda bu problemi aradan qaldırmağı öz öhdəsinə götürüb. Noyabrın 1-dən kirayə pullarının gecikmələri də aradan qaldırılacaq. Yəqin ki, gələn ilin ortalarına bina artıq tam sakinlərə təhvil veriləcək”.
