Şəhərdə ən çox sənədsiz evlərin yerləşdiyi ərazinin - Zabrat qəsəbəsinin sakinləri bu məsələ ilə bağlı öz narahatlıqlarını ifadə edirlər. Bu haqda bu gün, 15 noyabr tarixində Bakuplus.az APA TV-yə istinadən məlumat verir.
Vətəndaşlar deyirlər ki, illərdir sənəd ala bilmirlər. Bu yaxınlarda isə naməlum şəxslər qeyri-qanuni tikilən evlərin söküləcəyi barədə bildirişlə gəliblər.
İqtisadçı-ekspert Vüqar Orucov bildirdi ki, problemin həlli üçün uzun zaman lazım olacaq, çünki vətəndaşların özləri buna cəhd etmirlər. Məsələnin həllinə gəlincə, ekspert iki istiqamətdə zəruri addımların atılmasının vacibliyini vurğulayıb: “İş iki istiqamətdə aparılmalıdır: sənədləşmənin kütləviləşməsi və sürətləndirilməsi”.
Hüquqşünas Şamil Paşayev qeyd edib ki, evlərin sənədsiz olması daha çox onların kənd təsərrüfatı təyinatlı və yaxud da SOCAR-ın ərazisində tikilməsi ilə bağlıdır. Hüquqşünasın sözlərinə görə, problemin həll olunmaması, həmçinin sənədsiz evlərdən vergi tutmağın xeyli çətinliklər yaratması dövlət büdcəsinə gələcək böyük vəsaitin qarşısını alır.
[caption id="attachment_79206" align="alignnone" width="640"]
Foto apa.az saytı[/caption]
