Təhsildə Keyfiyyət Təminatı Agentliyi (TKTA) tərəfindən “Sənətin varsa, Sənədin olacaq” layihəsinə start verilib. Bu haqda TKTA-nin rəsmi saytında məlumat 28 sentyabr tarixində paylaşılıb.
Həmin layihə çərçivəsində bəzi ixtisaslar üzrə ənənəvi təhsil ala bilməyən vətəndaşlar sertifikat əldə edə bilərlər.
Nəzərdə tutulan ixtisaslar:
- Ərzaq və qeyri-ərzaq mallarının satıcısı, nəzarətçi-xəzinədar
- Bərbər
- Aşpaz
- Avtomobil təmiri-çilingər
- Mobil telefonların təmiri ustası
- Plastik boru qaynaqçısı
- Qənnadçı-Şirniyyatçı
Müxtəlif kurslarda, dərnəklərdə, yuxarıda göstərilən ixtisaslar üzrə fərdi dərslərdə təhsil alan və ya özünütəhsil yolu ilə bilik və bacarıq əldə etmiş vətəndaşlar bu bacarıqların qiymətləndirilməsi və tanınması üçün keçirilən imtahanlarda iştirak edə bilərlər.
İmtahanlardan uğurla keçən namizədlərə müvafiq peşə üzrə bilik və bacarıqlarını təsdiq edən Sertifikat təqdim olunacaq. Abituriyentlər müraciət qaydaları, tələb olunan sənədlər və imtahanlar haqqında ətraflı məlumat əldə etmək, həmçinin imtahanlara yazılmaq üçün linkdən istifadə edə bilərlər.
