Kürdəxanı kəndinin Rəhim Əliyev küçəsində yaşayan sakinləri kanalizasiya sularının həyətlərə yığılması və küçəni su basması narahat edir. Yolun asfalt olmasına baxmayaraq, sakinlər hələ də daşların üstü ilə hərəkət etmək məcburiyyətində qalırlar. Bu haqda Baku TV reportaj hazırlayıb.
Sakinlərin sözlərinə görə, durğun su səbəbindən evlərin divarları uçur. Valideynlər övladlarını məktəbə göndərmək üçün rezin çəkmə geyinməyə məcbur olurlar. Kanalizasiya sisteminin olmaması insanların daim xəstələnməsinə səbəb olur.
Küçədəki vəziyyətlə bağlı Kürdəxanı bələdiyyəsinin sədri Ağaəli Mənsimov bildirib ki, suyun toplanmasına səbəb digər məsələlərlə yanaşı, kəndin bu hissəsində sahənin çökək olmasıdır. Bu problemlə bağlı qurum aidiyyəti orqanlara müraciət edib və bu ilin sonuna qədər problemin həll olunacağına ümid edir.
