Sabunçu rayonunda küçələrin birini su basıb. Bu haqda 29 dekabr tarixində Milli.az xəbər verib.
Balaxanı qəsəbəsi mədən 2 ünvanında yaşayan sakinlər qurumayan küçələrdən şikayətçidirlər. Onlar iddia edirlər ki, Azərsu ASC-nin fəaliyyəti nəticəsində sökülən yolun suyu qurumaq bilmir. Uzun müddətdir ki, ana xəttindən içməli su yollara axır və gölməçələr yaradır. Yağış yağanda isə gölməçələrin dərinliyi artır, və yol daha da keçilməz olur. Həmçinin qəsəbədə kanalizasiya sisteminin olmaması işi daha da gərginləşdirir.
Məsələ ilə bağlı “Azərsu” ASC bildirir ki, qəsəbədəki yol və kanalizasiya problemi araşdırılacaq və müvafiq tədbir görüləcək.
