Bakının Səbail rayonu, Badamdar qəsəbəsi, Sahib İbrahimxəlilov küçəsində yerləşən 34 saylı poliklinikanın qarşısındakı parkda abadlıq işləri görülüb. Bu haqda bu gün, 2 iyul tarixində Bakuplus.az Avtosfer-ə istinadən məlumat verir.
Verilən məlumata görə, parkda obyekt tikmək məqsədilə gecə saatlarında ağaclara və yaşıllıqlara zərər vurulub. Bildirilib ki, parkdakı bəzi ağaclar tikinti işlərinə başlamazdan əvvəl qəsdən qurudularaq tədricən kəsilib.
Sakinlərin etirazı və problemi ictimailəşdirmələrindən sonra tikinti dayandırılıb. Artıq parkda abadlıq işləri aparılıb, yeni ağaclar əkilib, sakinlərin istirahəti üçün yeni skamyalar quraşdırılıb, uşaqların əylənməsi üçün yelləncəklər tikilib.
