Türkan qəsəbəsi, Qasım İsmayılov küçəsində illərdir ki, yolun bir hissəsi təmir olunub, təxminən 2 km uzunluğunda digər hissəsi isə təmirsiz qalır. Bu haqda AZTV reportaj hazırlayıb.
Sakinlər bu yolda nəinki qış aylarında, ilin bütün fəsillərində yolların keçilməz olduğunu qeyd edirlər.
Problemlə bağlı Türkan inzibati dairəsi üzrə qəsəbə nümayəndəsi Rövşən Quliyev bildirdi ki, aidiyyəti üzrə AAYDA-ya müraciət ünvanlanıb. Hazırda bu yolların tikintisi və investisiya proqramına daxil edilməsi gözlənilir.
Azərbaycan Avtomobil Yolları Dövlət Agentliyinin nümayəndəsinin sözlərinə görə, ötən il Xəzər rayonu üzrə 16 km-dən çox küçə və yollar təmir olunub. Bu il üzrə investisiya proqramı çərçivəsində isə 15 km-dən artıq yolun təmirinə başlanılıb. Türkan qəsəbəsində sözügedən küçədə də investisiya proqramı çərçivəsində təmir nəzərdə tutulub.
