Xəzər rayonu, Türkan qəsəbəsində sakinlər illərdir qazsız qalıblar. Bu haqda bu gün, 18 aprel tarixində Bakuplus.az ATV-yə istinadən xəbər verir.
Qəsəbənin “Yeni məhəllə” adlanan ərazisində qaz xətti mövcud deyil. Sakinlərin sözlərinə görə, onlar 30 ildir ki, əziyyət çəkirlər. Onlar ya sobadan, ya da elektrikdən istifadə edirlər. Bu da onların ciblərinə ziyan vurur.
“Baxan yoxdur. Neçə dəfə müraciət etmişik, heç kim addım atmır. 250 m arada qaz xətti var. Evi ancaq zir-zibil yığıb yandıraraq isidirik. Ayda 200-250 AZN işıq pulu ödəyirik”, – deyə sakinlər şikayət edirlər.
