Bakıda 12 yaşlı qızı qaçırıb zorla ərə veriblər. Bu haqda bu gün, 16 aprel tarixində Bakuplus.az Baku.ws-ə istinadən xəbər verir.
Hazırda 25 yaşı olan Ülkər adlı qız 12 yaşında zorla ərə verildiyini və hazırda 12 yaşlı övladının olduğunu deyir. Gənc qız iddia edir ki, 4 ildir övladını görə bilmir.
“12 yaşım olanda məni qaçırdılar. Məni istəmişdilər, “hə” məclisi olmuşdu. Lakin anam yaşımın tamam olmasını istəmişdi. Amma Oqtay Ələkbər oğlu Hüseynov 4 aydan sonra məni qaçırdı. O, məni yaşadığım Türkan qəsəbəsindən Biləsuvara, öz evinə aparmışdı”, – deyə Ülkər bildirir.
Gənc qızın sözlərinə görə, oğlan onu paltar almaq adı ilə aldadıb Biləsuvara gətirmişdi. Oğlanın valideynləri buna razı olmasalar da, o, geri qaytarılmadı.
“Sonra oğlan toyu oldu. Toydan 4-5 ay sonra hamilə oldum. Xəstəxanada mənim neçə yaşım olduğunu gizlətdilər. Məni qayınatam da, qayınanam da döyüblər”, – deyə qız bildirir.
Ailə, Qadın və Uşaq Problemləri üzrə Dövlət Komitəsinin sözçüsü Teymur Mərdanoğlu məsələnin nəzarətə götürüldüyünü bildirib.
[video width="202" height="360" mp4="https://bakuplus.az/storage/photos/2024/04/360p2.mp4"][/video]
