Tikinti işləri zamanı başqasının əmlakına zərər dəyərsə, məsuliyyəti kim daşıyır? Bu haqda bu gün, 8 fevral tarixində Bakuplus.az ATV-yə istinadən xəbər verir.
Bir neçə gün öncə qazanxanada baş vermiş partlayışda xeyli avtomobil ziyan görüb. Bu maşınların kompensasiyasını kim ödəyəcək?
Sığorta məsələləri üzrə ekspert İlkin İbrahimovun sözlərinə görə, bu kimi hadisələr baş verdikdə zərəri daşınmaz əmlakın hüquqi sahibinin icbari sığortası ödəməlidir.
“Daşınmaz əmlakın sığortalanması məcburidir. Bununla bağlı qanun mövcuddur”, - deyə ekspert əlavə edib.
Bundan əlavə, əgər belə bir sığorta yoxdursa, vətəndaş dəymiş zərərin qarşılanması üçün sahibkara qarşı məhkəmə qaldıra bilər. Sığorta kompensasiyası 5000 AZN-ə qədər ola bilər.
