Azərbaycan Rəngkarlığı Muzeyində uşaqlar üçün ustad dərsi keçiriləcək. Bu haqda bu gün, 25 yanvar tarixində Bakuplus.az YARAT İncəsənət Mərkəzinə istinadən xəbər verir.
"Səmadan baxış" mövzusunda olan master-klasda iştirakçılar ilk öncə "Metakod" adlı qrup sərgisində nümayiş olunan rəssam Aida Mahmudovanın əsərlərini seyr edib, onların necə yaranması barədə öyrənəcəklər. Daha sonra qarışıq texnikadan istifadə edərək, öz maraqlı təcrübələrini gerçəkləşdirəcəklər.
Tədbir 28 yanvar saat 12:00-da başlayacaq. Dərsdə 8-12 yaşlı uşaqlar iştirak edə bilərlər. Qeydiyyat üçün 050 251 41 15 nömrəsi ilə əlaqə saxlamaq lazımdır. İştirak ödənişsizdir. Qeydiyyat çərşənbə axşamından cümə gününə qədər, saat 11:00-dan 18:00-dək aparılır.
