Xəzər rayonunun Zirə kəndində keçirilən “Açıq mikrofon” aksiyasında sahibkarların şikayət və təklifləri dinlənilib. Bu haqda bu gün, 21 sentyabrda Azəriqazın mətbuat xidməti məlumat yayıb.
30-dək tərəvəz istehsalı ilə məşğul olan istixana sahiblərinin əsas xahişləri payız-qış mövsümündə yaşanan təzyiq probleminin həll olunması və ötən il yaranan qaz sərfiyyatı borclarında güzəşt olunmasıdır.
Suallarla bağlı sahibkarlara izahatlar səsləndirilib və bəzi məsələlərin həlli üçün yerindəcə tapşırıqlar verilib.
Azəriqaz İB təşkil etdiyi səyyar otaqlar bölgələrdə sayca 10-cu, Bakı və Bakıətrafı qəsəbələrdə isə 5-ci tədbirdir.
