Bakının 3 rayonunda qaz olmayacaq. Bu haqda bu gün, 16 aprel tarixində Bakuplus.az “Azəriqaz”a istinadən xəbər verir.
Xəzər rayonunda qaz ölçü qovşağının mövcud şəbəkəyə qoşulması, Nərimanov rayonunun Faiq Yusifov küçəsində yeraltı qaz xəttində qaz sızmalarının ləğv edilməsi, Qaradağ rayonunun Lökbatan qəsəbəsi, 20 Yanvar küçəsində isə yeni çəkilmiş qaz xəttinin mövcud şəbəkəyə qoşulması ilə əlaqədar 17 aprel saat 10:00-dan etibarən bir sıra ərazilərdə qaz təchizatı dayandırılacaq.
Fasilə Xəzər rayonunun Kənd Qala, Xaşaxuna bağları, Laçın və Kəlbəcər rayonlarından olan keçmiş məcburi köçkünlərin yaşadıqları ərazilər, Nərimanov rayonunun F.Yusifov, Təbriz, N.Hacıyev, A.Nemətulla, F.X.Xoyski, Ə.Əliyev və Y.V.Çəmənzəminli küçələri, eləcə də Qaradağ rayonunun Lökbatan qəsəbəsinin 20 Yanvar, 28 May, M.Ə.Sabir küçələri və 1-ci, 2-ci massivlərini əhatə edəcək.
