Bu gün Xalq artisti, aktyor Şamil Süleymanlının doğum günüdür.
Şamil Süleymanov 1955-ci il may ayının 11-də Bakıda anadan olub. M. A. Əliyev adına Azərbaycan Dövlət İncəsənət İnstitutunu bitirib. "Azərbaycanfilm" kinostudiyasında işləyərək bir çox filmlərdə çəkilib.
29 iyul 2016-cı ildə Azərbaycan kinematoqrafiyasının inkişafında xidmətlərinə görə Azərbaycanın “Xalq artisti” fəxri adına layiq görülüb.
Sadəliyi, xarakter müxtəlifliyi və tipajlılığı ilə seçilən obrazları özünəməxsus tərzdə ifa edən Xalq artisti "Baladadaşın ilk məhəbbəti”, “Axtaran tapar”, “Qızıl uçurum”, “Üzeyir ömrü”, “Evlənmək istəyirəm”, “Yuxu”, “Əlavə təsir”, “Çölçü”, “Dolu”, “Mahmud və Məryəm”, “Yarımçıq xatirələr”, “Hədiyyə” və s. filmlərdə rol alıb.
Həmçinin aktyor 6 may 2023-cü ildə Azərbaycan mədəniyyətinin inkişafında xidmətlərinə görə Azərbaycan Respublikası Prezidentinin fərdi təqaüdünə layiq görülüb.
