Bakıda yapon qılınc döyüş sənətinə həsr edilən konsert keçiriləcək. Bu haqda bu gün, 20 fevral tarixində Bakuplus.az Yaponiyanın Azərbaycan Respublikasındakı Səfirliyinə istinadən xəbər verir.
Yaponiyanın Azərbaycan Respublikasındakı Səfirliyinin təşkilatçılığı ilə “TATE Hatoryu” qrupunun ifasında “Yapon Qılınc Döyüş Sənəti üzrə Səhnə Performansı” adlı konsert baş tutacaq.
Tədbir 23 fevral saat 19:00-da Beynəlxalq Muğam Mərkəzində təşkil olunacaq. İştirak ödənişsizdir. Biletləri Yaponiya Səfirliyindən əldə etmək mümkündür. Yerlər məhduddur və hər bilet 1 nəfər üçün nəzərdə tutulub. Məkana giriş 18:30-dan başlayacaq.
Qeyd edək ki, “tate” özündə qədim samuray döyüş sənəti, rəqs və kabuki elementlərini birləşdirən unikal səhnə performansı sənətidir.
