YARAT İncəsənət Mərkəzində diskussiya keçiriləcək. Bu haqda bu gün, 22 aprel tarixində Bakuplus.az mədəniyyət ocağına istinadən xəbər verir.
“Yoxlanılıb, mina yoxdur!” qrup sərgisi çərçivəsində Qarabağın müharibədən sonrakı dövrdə müasir memarlığını araşdıran “Müasir Qarabağ memarlığı: konstruktiv və dekonstruktiv” adlı diskussiya təşkil olunacaq.
Tədbirdə Qarabağın yenidən qurulmasında müasir memarlıq yanaşmalarının rolu və bu yanaşmaların ictimai və mədəni kontekstlərə necə inteqrasiya edildiyi müzakirə olunacaq.
Diskussiyanın iştirakçıları memarlar Toğrul Bayramov, Fizuli Əliyev, Samir Nəzirov, Fidan İsbatova və Nicat Əliyevdir. Moderator Mələk Bayramlı olacaq.
Tədbir 26 aprel saat 19:00-da baş tutacaq. İştirak üçün 050 251 41 18 nömrəsi ilə əlaqə saxlamaq mümkündür.
