30 sentyabr tarixindən Yarat Müasir İncəsənət Mərkəzi #ARTKönüllü proqramına namizədlərin qəbulunu elan edir.
Bu proqrama qatılan hər kəs kino, ədəbiyyat, teatr, musiqi və incəsənətin digər sahələrində öz məharətini göstərə biləcək.
Təcrübə dövrü 3 ay boyunca həftədə 2 dəfə, 4 saatdan az olmayaraq davam edəcək.
Azərbaycan dili ilə yanaşı ən azı bir xarici dil (ingilis, rus və s.) bilən 18-35 yaş arası namizədlərə üstünlük veriləcək.
Seçilən namizədləri müasir incəsənət aləminin tanınmış simaları ilə ünsiyyət imkanından əlavə sonda sertifikat gözləyir.
Namizədliyini irəli sürmək istəyənlər müraciətini CV formasında 7 oktyabr tarixinə qədər mövzu bölümündə ART Könüllü yazaraq registration@yarat.az ünvanına göndərə bilər.
