Yasamal rayonunda kanalizasiya borusunun partlaması nəticəsində küçədə antisanitar vəziyyət yaranıb. Bu haqda 25 fevral tarixində Bakuplus.az-a məlumat daxil olub.
Ağadadaş Qurbanov küçəsi, 55 ünvanında kanalizasiya borusu partlayıb və nəticədə çirkab sular küçələrə axıb. Bundan əlavə, sakinlər kanalizasiya quyusundan sızmanın qarşısını almaq məqsədilə, onu daşlarla doldurublar.
Sakinlərin sözlərinə görə, bu hal bir həftədir davam edir. Kanalizasiya sisteminin sıradan çıxması nəticəsində küçələri gəmiricilər basıb.
“Küçədə pis qoxu və ölmüş siçovullar var. Xahiş edirik, bu problem tez bir zamanda həll olunsun”, - sakinlərin biri deyib.
