Bakı şəhəri, Yasamal rayonu, Əlibəy Hüseynzadə küçəsi, 53 ünvanında yerləşən vətəndaşa məxsus obyektin tikinti şirkəti tərəfindən dağıdıldığı bildirilir. Bu haqda bu gün, 10 sentyabr tarixində Bakuplus.az Baku TV-yə isitnadən məlumat verir.
Obyektin sahibi Eldar Rzayev bildirib ki, sözügedən ərazidə onun razılığı olmadan tikinti işləri aparan bu şirkət onun əmlakını yararsız vəziyyətə salıb. Vətəndaş bu məsələ ilə bağlı məhkəməyə müraciət edib və onun xeyrinə qərar çıxarılıb.
Belə ki, məhkəmənin qərarına əsasən, zərərçəkmiş şəxsin zədələnmiş əmlakı tam bərpa edilməli və ya ona dəymiş maddi ziyan ödənilməlidir. Lakin Rzayevin qeyd etdiyi kimi, şirkət məhkəmənin qərarına əməl etmir.
İddialara münasibət bildirmək üçün qarşı tərəflə əlaqə saxlamaq cəhdləri uğursuz olub.
[caption id="attachment_69217" align="alignnone" width="640"]
Foto Baku Tv-nin rəsmi Youtube kanalı[/caption]
