Bakının Yasamal və Nəsimi rayonlarını birləşdirən Mirzəğa Əliyev küçəsində bir aydan çoxdur ki, təmir işləri aparılır. Mərkəzi küçələrdən biri hesab olunan yol nə səbəbdən uzun müddət ərzində istismara qaytarılmır? Məsələ ilə bağlı bu gün, 25 iyul tarixində Bakuplus.az Baku TV-yə istinadən məlumat verir.
Hazırda şəhərdə müxtəlif ünvanlarda asfalt örtükləri və kommunikasiya xətləri dəyişilir. Adətən, belə işlər bir neçə gün ərzində təhvil verilir. Lakin burada işlər bir aydan çoxdur ki, davam edir. Bu, yollarda tıxaclara, Qış parkında isə toz-torpağa səbəb olur.
Təmirlə bağlı məsulliyətə heç bir qurum sahib çıxmadı . Avtomobil Yolları Dövlət Agentliyindən bildirilib ki, həmin ərazidə “Azərsu” ASC-2 bir həftədir qazıntı işləri həyata keçirir. Dövlət Su Ehtiyatları Agentliyindən isə təmir işlərinin nə zaman bitəcəyini soruşduqda məsələdən xəbərsiz olduqlarını bildiriblər.
