Yeni il maskaları nə qədər təhlükəlidir? Bu haqda bu gün, 19 dekabr tarixində Bakuplus.az Baku TV-yə istinadən xəbər verir.
Qarşıdan gələn bayram səbəbindən bazarlarda oyuncaqların və maskaların satışında artım müşahidə olunur. Ancaq bu maskalar uşaqların sağlamlığına zərər vura bilərmi?
Dermatoloq Kənan Əhmədovun sözlərinə görə, maskalar uşaqların dərisinə allergik təsir göstərə bilər:
"Bu tip maskaların dəriyə təması nəticəsində uşaqlarda allergik kontakt dermativ xəstəliyi əmələ gələ bilər. Rəngləndirici maddələrin içərisində qurğuşun materialı var. Həmin o qurğuşun metallar uşaqların sağlamlığına birbaşa təsir göstərir. Ona görə də oyuncaq alarkən mütləqdir ki, valideynlər sertifikat tələb etsinlər”, – deyə ekspertlər bildirirlər.
Nazirlər Kabinetinin xüsusi qərarına əsasən, ölkəyə gətirilən məhsulların keyfiyyət sertifikatı olmadan bazara çıxarılması qəti qadağandır.
