Sabunçu rayonu, Zabrat-Maştağa yolunda yerləşən körpü təhlükə saçır. Bu haqda bu gün, 14 dekabr tarixində Bakuplus.az ATV-yə istinadən xəbər verir.
Söhbət magistral yolda yerləşən körpüdən gedir. Belə ki, körpünün məhəccərləri qırılıb, qoruyucu infrastruktur yaradılmayıb. Buna görə sürücülər diqqətsiz olsalar, avtomobillər birbaşa körpüdən aşacaq.
“Qoruyucu olsa, yaxşı olar. 1-2 dəfə mənim gözümün qabağında maşın aşıb. Çox təhlükəlidir”, – deyə sakinlərdən biri qeyd edib.
Məsələ ilə bağlı Avtomobil Yolları Dövlət Agentliyindən (AAYDA) bildirilib ki, əraziyə baxış keçiriləcək və problem aradan qaldırılacaq.
