Sabunçu rayonunda məktəbin həyətində dayanan gənc oğlan valideynləri qorxuya salıb. Bu haqda 22 fevral tarixində Bakuplus.az saleh.nasirova istinadən xəbər verir.
Zabrat qəsəbəsi, 71 nömrəli orta məktəbin həyətində gəzən kloun valideynləri təşvişə salıb. Valideynlərin biri deyib ki, kloun paltarında olan oğlan əvvəl adi geyimdə, məktəbin həyətində şirniyyat satırdı. Lakin bir neçə gün əvvəl o, kloun geyimində gəlib.
Valideynlər narahat olublar ki, bu gənc də, bəzi məktəblərin həyətində narkotiklərin satışı ilə məşğul olan şəxslərdən biri ola bilər.
“Axı bu kloun məktəbə niyə gəlsin ki? Artıq övladlarımızı özümüz aparıb gətiririk”, - valideynlərindən biri deyib.
Bu məsələ ilə bağlı həmin şəxs polis orqanına dəvət edilərək kimliyi müəyyən olunub. Həmin məktəbin məzunu 22 yaşlı N.Hacıyev təhsil müəssisəsi ətrafında küçə ticarəti ilə məşğul olub,. Onun əməlində hər hansı bir cinayət tərkibi aşkar olunmayıb. Küçə ticarəti ilə məşğul olduğuna görə onun barəsində İnzibati Xətalar Məcəlləsinə uyğun olaraq protokol tərtib edilib.
