Bakının Sabunçu rayonunun Zabrat qəsəbəsində antisanitar şərait yaranıb. Bu haqda bu gün, 30 iyul tarixində Bakuplus.az Xəzər Xəbər-ə istinadən xəbər verir.
Sözügedən ərazidə yaşayan sakinlərin sözlərinə görə, məişət tullantıları zibil qutularının ətrafında bir neçə gündür qalaqlanıb və yığışdırılmır. Bu səbəbdən vətəndaşlar üfunətdən əziyyət çəkirlər. Həmçinin analojı vəziyyət 307 nömrəli tam orta məktəbin ətrafında qeydə alınıb.
“Zibil həftədə 2-3 dəfə götürülür, qalan günlər isə yığılıb qalır. İsti havada evləri üfunət bürüyür, oturmaq mümkün olmur. Bir neçə yerə müraciət etmişik, lakib problem öz həllini tapmayıb”, - deyə sakinlər şikayət edirlər.
Məsələ ilə bağlı Sabunçu Mənzil-Kommunal Təsərrüfatı Birliyindən bildirildi ki, tullantıların yığılması üçün ayrılan avtomobildə nasazlıq yaranıb. Bu səbəbdən də son iki gün ərzində prosesdə gecikmələr baş verib.
