Paytaxtın Sabunçu rayonu, Zabrat qəsəbəsi, İsrafil Məmmədov küçəsinin sakinləri şəraitsizlikdən şikayət edirlər. Bu haqda bu gün, 11 mart tarixində Bakuplus.az Space News-a istinadən xəbər verir.
Sakinlərin sözlərinə görə, 20 ildir yaşayış olan küçədə bu günə qədər asfalt örtüyü vurulmayıb. Ərazidə nə kanalizasiya sistemi quraşdırılıb, nə də ki zibil yeşikləri var.
“Nə avtobus gəlir, nə də təcili yardım. Bir dənə yanğın olsa, biz heç hərəkət edə bilməyəcəyik. Məcbur oluruq ki, zibilləri də yolun qırağına ataq”, - deyə sakinlərdən biri qeyd edib.
Rəsmi qurumlar sakinlərin müraciətlərinə baxmadığından, yerlilər öz hesablarına yollara çınqıl töküblər ki, bir az da olsa, hərəkət etmək mümkün olsun.
AAYDA-dan məsələ ilə bağlı bildirilib ki, qəsəbədaxili yollar İcra Hakimiyyəti və bələdiyyənin balansındadır. Sonuncularla isə əlaqə saxlamaq mümkün olmayıb.
[caption id="attachment_93698" align="alignnone" width="640"]
Foto Space News[/caption]
