Bu gün Bakı Metropoliteninin 5 stansiyasından ikisinin adının milliləşdirildiyi gündür. Bu haqda BakuPlus.az bu gün, 9 aprel tarixində xəbər verir.
Toponimika komissiyasının təkliflərini nəzərdən keçirərək, Bakı Şəhər Xalq Deputatları Sovetinin Rəyasət Heyəti Bakı Sovetinin sədri M.Əliyevin imzaladığı 9 aprel 1992-ci il Qərarı ilə “26 Bakı komissarı” stansiyasına “Sahil”, “28 Aprel” stansiyasına isə “28 May” adlarını verib.
Həmin qərarla Bakı metropoliteninin rəhbərliyinə tapşırılıb ki, stansiyaların adlarının dəyişdirilməsi ilə əlaqədar bütün təşkilati işlər bir ay müddətində başa çatdırılsın.
Qərar qısa müddətdə icra olunub.
[caption id="attachment_39991" align="alignnone" width="800"]
Bakı metropoliteni facebook[/caption]
