Azərbaycan Kanoe və Avarçəkmə Federasiyası Bakıda həftədə 7 dəfə avarçəkmə məşqləri keçirir. Bu haqda bu gün, 13 yanvar tarixində Bakuplus.az federasiyaya istinadən məlumat verir.
Məşqlər Bulvar ərazisində, “Suraxanı” gəmi-muzeyi və Su İdman Sarayının yaxınlığında, Xəzər dənizində təşkil olunur.
Məşqçilər beynəlxalq dərəcəli Əməkdar məşqçi Samir Məmmədov, respublika dərəcəli Əməkdar məşqçi İlham Qafarov, birinci dərəcəli məşqçi Larisa Axundova və beynəlxalq sertifikatlı Viktor Ozerovdur.
Məşq saatları bazar ertəsi, çərşənbə axşamı, çərşənbə, cümə axşamı, cümə və şənbə günləri saat 15:30-dan 18:00-a qədər, bazar günü isə səhər 9:30-dan 13:00-a qədər keçirilir.
Dərslər uşaq və yeniyetmələr üçün ödənişsizdir.
