Azərbaycanın basketbol milliləri Bakıda toplanış keçiriblər. Bu haqda bu gün, 25 iyun tarixində Bakuplus.az Report-a istinadən xəbər verir.
Azərbaycanın 16 və 18 yaşadək basketbolçu qızlardan ibarət milliləri Bakıda keçirilən təlim-məşq toplanışının birinci mərhələsini başa vurublar.
Türkiyəli mütəxəssis Evren Alkayanın rəhbərlik etdiyi komandalar taktiki, texniki və fiziki çalışmaları mütəmadi şəkildə davam etdirərək, bir neçə uğurlu yoxlama oyunu da keçiriblər.
26 iyun tarixində yığmalar Avropa çempionatı öncəsi son hazırlıqlar üçün Kiprə yola düşücəklər. Kiprdə 7 gün təlim-məşq toplanışı keçirdikdən sonra U-16 yığmamız 9-14 iyul tarixlərində Cəbəllütariqdə baş tutacaq Avropa çempionatının C divizionunun oyunlarına yollanacaq.
